打緊COD忽然叮一下諗到個on9標題:
中國軍隊竟對蘇……俄羅斯宣戰!震驚了美日台英印等國際社會!
…………好啦講少少嘢湊字數啦。
首先地圖大家會見到係蘇聯時期嘅地方,而手中個把係寫住QBZ-83,當然COD為咗避免侵權改咗名,實際上係QBZ-95,亦即係大家會比較熟嘅95式步槍。
95式係使用具有中國特色及自主可控嘅5.8毫米口徑嘅細火力子彈——DBP87,設計思路基本就喺廣泛配置嘅單兵武器,所以控制性理論上應該比較好。而首次公開展示其實係1997年主權移交嘅時候,解放軍駐港部隊進駐時首次公開露面。
不過作為中國首款自主可控嘅步槍……啊唔係首款對唔住順口得滯。不過自主可控係事實來的,而作為中國軍隊廣泛配備嘅步槍,恰如各大亞洲國家嘅軍備類似,歐美列強尤其係美國有龐大嘅數量比大家做R&D以及跟進改善,一些中東或者衝突前線嘅國家可以直接上場測試、修改,但你知啦近代嘅亞洲算係比較和平,尤其係中國係後冷戰已經無任何戰爭經驗,國內亦無槍械市場可言,所以係咁嘅大環境下製作出來嘅初代95式係非常悽慘嘅垃圾。你攞佢同其他步槍比較,

(1/4)

(1/3)

有部分問題其實就咁都睇得出,例如:
1.瞄準線太高,因為設計思路當初就喺「機瞄MUST」落去設計嘅
2.一體式提把無得取下(台灣某隻國產槍都好似做過類似嘅on9事)
3.設計當初無預留位置,所以難以模組化(美軍嘅M4系列就喺模組化設計,可以因應情況改配件,但95式並無諗過呢回事)
4.射擊模式切換掣位置有啲古怪,唔方便切換。
跟住有啲睇唔出但真係用落會發現嘅問題:
1.簡易夜瞄材質決定用唔得很久亮度抑低,而後來二代嘅夜瞄只有不足200米而且貴,好難全天候使用。
2.佈局太緊湊引致有啲位置不合理,射手好易被射出嘅火藥嘅氣體刺激射手嘅眼同妨礙射擊。
3.設計+子彈品質令到子彈經常會底火燃燒不完全引致氣體調節同活塞好而塞住,繼而令維修好辛苦,繼而槍口壓力大,繼而噪音難以壓抑,繼而長期而言好易被侵蝕……繼而不耐用又易卡彈。

(2/4)

Follow

4.好多槍械……例如手槍大家會覺眼啲,射完子彈後會掛起卡住,槍栓保持向後鎖定開放嘅狀態,謂之hold open等射手知道無子彈要reload,交戰緊嘅話好易無發現打曬子彈跟住就……嗯。點解會咁?主要係早期嘅95式嘅彈匣質素參差,加入之後會更多問題不如就唔加。當然,想知有冇子彈拆個彈匣落來睇啦。
一啲同95式本身無關係嘅大問題:
1.槍械品質、彈匣甚至子彈嘅品質參差,卡彈啊、食煙啊係基本combo
即使一些中國軍迷吹噓嘅QBZ95-1,即係95式二代嘅改良版,其實都仍然有不少問題,缺乏可靠性:

在澳方專門組織的中澳兩軍交流射擊時,95-1式再次不負眾望,成功出糗。我方參賽隊員第一次使用澳方軍用的斯太爾F88步槍,射擊成績反比使用我們自己的步槍打的還好。澳大利亞F88步槍是AUG步槍的澳大利亞型號,其設計無疑比95-1式優良得多。但是,澳軍使用95-1式時,一名澳大利亞參賽隊員在交換使用我軍隊員孫立新的步槍射擊時,步槍彈匣底板突然脫落,托彈扳簧連同彈匣內的子彈散落了一地。一名澳大利亞士兵使用國產95-1式步槍射擊時,

(3/4)

· · Web · 1 · 0 · 0

因武器後坐,發射時瞄準鏡的目鏡框將這名射手的眼眶撞了一個大包,外加上95-1步槍在射擊時硝煙太大,嚇得這名射手再也不敢使用95-1式步槍射擊了。

kknews.cc/zh-hk/military/2rrrg
當然,雖然咁多問題,但首先求有,有咗先能求好,相信經過咁多年,95式應該都改善不少,而且畢竟95式也算係國產嘅槍械,不過如果你問我,不如考慮一下改編制用以主流狗mode抄主流設計用以外銷嘅97式啦。不過我諗亦比較難,畢竟我諗中國對於呢啲輕武器都喺堪用就算,發揮你嘅適應力啊.png
而且中國又不是美國,哪有那麼多人幫你試槍?正常用到、價格合理加上普普通通就ok啦要求唔好咁高😎

(4/4)

Sign in to participate in the conversation
Mastodon

The social network of the future: No ads, no corporate surveillance, ethical design, and decentralization! Own your data with Mastodon!